Të nderuar vizitorë,
Mirë se vini në faqen zyrtare të Qendrës Kulturore – Informative “Malësia”. Është nder dhe përgjegjësi e veçantë të drejtoj një institucion, misioni i të cilit është ruajtja, promovimi dhe zhvillimi i jetës kulturore e artistike të Malësisë – i traditave, gjuhës dhe identitetit tonë, por edhe i krijimtarisë bashkëkohore që e mban komunitetin tonë të gjallë dhe të hapur ndaj botës.
Së bashku me stafin dhe bashkëpunëtorët tanë, do të angazhohemi që QKI “Malësia” të jetë një shtëpi e hapur e kulturës për të gjithë: vend i ekspozitave, koncerteve, letërsisë, filmit dhe programeve për të gjitha brezat. Ju ftoj të ndiqni aktivitetet tona, të merrni pjesë në programet tona dhe të kontribuoni bashkë me ne në forcimin e jetës kulturore të komunitetit tonë.
Drejtoresha Besa Nikaj